Oarsoaldeko Hitza

OIARTZUN

2008-12-22 | 11:59:46

Girizia, Euskal Herriko Txapelketan, txapeldunorde

Taldeak bere buruari jarritako helburua bete du 4x4ko lehian

Girizia 4x4ko Euskal Herriko Txapelketan bigarren postua eskuratu zuen joan den larunbatean Igeldon. Taldeak bere buruari jarritako helburua bete du horrela, lehen kanporaketan lortutako postuari eutsi baitiote. Taldea Irati Martiarenak; Maider Zapirainek; Oneka Zapirainek; Karmele Irastorzak eta Miren Alkortak osatu zuten.

Erantzun 1

ERRENTERIA-ORERETA

2008-12-22 | 10:10:56

25 urteko gizon bat atxilotu dute bikotea eta bikote izandakoa erasotzeagatik

Euskotrenen geltokiaren inguruan atxilotu zuten erasotzailea atzo, gauerdian

Bikotea eta bikote izandakoa erasotzeagatik 25 urteko gizon bat atxilotu zuen atzo gauerdian Ertzaintzak Euskotrenen geltokiaren inguruan. Ertzain patruila bateko kideak ohartu ziren erasoaz, 25 urteko gizona emakume bat besotik heltzen ikusi zutenean; emakumea negarrez zegoen, eta ezpainean zartadura zuela ohartu ziren ertzainak. Inguruan. beste emakume bat ikusi zuten, arropa bustiarekin eta lokatzez zikina. Ertzaintzak emakumeekin hitz egin zuenean, erasotzailearen bikotea eta bikote izandakoa zirela azaldu zieten. Bikotekide izandako emakumearekin urruntze agindua zuen erasotzaileak.

Ez du erantzunik

Oarsoaldea

2008-12-20 | 14:57:08

Landaberea eta Etxaniz espetxeratzeko agindu du epaileak eta Villarrubia aske utzi dute

Gaur goizean deklaratu dute Espainiako Auzitegi Nazionalean

Julen Etxaniz sanpedrotarra eta Harkaitz Landaberea donostiarra espetxeratzeko agindua eman du Ismael Moreno Espainiako Auzitegi Nazionaleko epaileak. Aldi berean, June Villarrubia lezoarra aske utzi du. Bi lehenei «talde armatuko kide» izatea eta «ETArentzako informazioa biltzea» leporatu die. Hiruek gaur goizean deklaratu dute Ismael Moreno epailearen aurrean, inkomunikatuta. Amnistiaren Aldeko Mugimenduko iturrietatik jakitera eman dutenez, atxilotuei inkomunikazioa altxatu dieten arren beraien abokatuek oraindik ezin izan dute beraiekin egon. June Villarrubia aske utziko dute, baina aldian behin epaitegira sinatzera joan beharko du.

• Torturak salatu ditu June Villarrubiak: «Atxiloaldia benetako infernua izan da»

Ez du erantzunik

Oarsoaldea

2008-12-20 | 12:12:14

Julen Etxaniz eta June Villarrubia inkomunikatuta deklaratzen ari dira epailearen aurrean

Gaur goizean eraman dituzte Madrilgo Audientzia Nazionalera deklaratzera Julen Etxaniz sanpedrotarra, June Villarrubia lezoarra eta Harkaitz Landaberea donostiarra

Amnistiaren Aldeko Mugimenduak (AAM) jakitera eman duenez, gaur goizean eraman dituzte Espainiako Audientzia Nazionaleko Ismael Moreno epailearen aurrean deklaratzera Julen Etxaniz, June Villarrubia eta Harkaitz Landaberea. AAMtik azaldu dute asteartean atxilotutako hiru gazteak inkomunikatuta ari direla egiten deklarazioa «eta oraindik konfidantzazko abokatuek ez dute aukerarik izan beraiekin egoteko. Ez dago beraien egoeraren gaineko berririk». AAMtik esan dute Espainiako Gobernuan onartutako Inkomunikazio Protokoloa ez zaiela aplikatu hiruei, «epaileak ez aplikatzea erabaki zuelako»

Ez du erantzunik

PASAIA

2008-12-20 | 11:44:56

'Arizabalotarrak: aldaketa garaiak Pasaian' liburua aurkeztuko dute astelehenean

Juan Carlos Morak egin du lana; aurkezpena 19:30ean izango da, Arizabalo jauregian (udaletxean)

Berak egindako Sorginarri bildumako lan berria aurkeztuko du astelehenean, abenduaren 22an, Juan Carlos Morak: 'Arizabalotarrak: aldaketa garaiak Pasaian'. Historia liburuaren oinarria XVI-XVII mendeetan Donibanen indar handia izan zuen Arizabalo sendiaren historia azaltzea da. Horrekin batera, garai haietan Pasaia zer zen, eta zein aldaketa eman ziren agertzen da liburuan. 19:30ean izango da aurkezpena Donibaneko Arizabalo jauregian, gaur egun Pasaiako udaletxea denean, alegia. Biharko OARSOALDEKO HITZAren paperezko edizioan, Juan Carlos Morari egindako elkarrizketa zabala irakur ahal izango da.

Ez du erantzunik

Lezo

2008-12-20 | 11:35:56

Allerruko beteranoak, sasoitsu

Futbolari ohi lezoarrak Plazetan bildu dira partida jokatzeko; ondoren, bazkaria

Lezoko Allerru futbol taldeko jokalari izandakoak goizean bildu dira, lagun arteko partida jokatzeko. Denera, 14 bat jokalari ohiren artean norgehiagoka egin dute, antolatzaileen esanetan «ondo pasatzeko, garai zaharrak oroitzeko eta garai batean izandako giroari eusteko». Bederatzigarren urtea da partida antolatzen dutela. Dutxa hartu eta gero, bazkaria egingo dute denek Allerru Elkartean.

Ez du erantzunik

Oarsoaldea

2008-12-20 | 11:31:20

Bihar, San Tomas Azokak Errenteria-Oreretan eta Lezon

Bi herrietako feriak 10:00etan hasiko dira; hortik aurrera, ekitaldiz josia dago eguna

Errenteria-Oreretan eta Lezon bihar izango dira San Tomas Azokak. Bi herrietan 10:00etan hasiko dira feriak; Errenteria-Oreretan, Gamon Zumardian eta Lezon, Gurutze Santuaren plazan. Txistorra eta talo postuak, tabernak eta nola ez, baserritarren barazki nahiz abere guneak izango dira bi herrietan. Horretara bakarrik ez da mugatuko, ordea, San Tomas Azoka. Izan ere, Errenteria-Oreretan egun osoko egitaraua prestatu baitute Xenpelar AEK-ko antolatzaileek. Lezon, aldiz, 14:00etan bukatuko da San Tomas Azoka.

Ez du erantzunik

OIARTZUN

2008-12-19 | 12:14:03

Euskaldunen hizkuntz kexak jasotzeko buzoiak izango dituzte oiartzuarrek

Euskararen inguruko kexak buzoietan sartu ahal izango dituzte aurrerantzean oiartzuarrek. Buzoiak bi tokitan jarriko dituzte: Oiartzungo udaletxearen harreran eta UEMAren Oiartzungo bulegoan, Altzibarreko eskola zaharrean. Oiartzungo Udalak, Ttur-ttur Euskaltzaleon Bilguneak, Udalerri Euskaldunen Mankomunitateak eta Hizkuntza Eskubideen Mankomunitateak bultzatu dute egitasmoa.

Ez du erantzunik