Oarsoaldeko Hitza

Europako Parlamentuan Berdeen taldeko ordezkari David Hammerstein, eskualdean izan da gaur. 10:00ak inguruan iritsi da Lezoko tren geltokira, eta han Jaizkibel Bizirik, Greenpeace eta Termikaren Kontarko taldeko kideek egin diote harrera. Ondoren, haiek lagunduta, Donibaneko zentral termikoan eta Jazkibelen izan da europarlamentaria, kanpo kaiak hartuko duen eremua bertatik bertara ezagutzen.

Europako Parlamentuan galdera sorta bat egingo du David Hammerstein diputatuak, Pasaiako zentral termikoaren inguruan.
Termika «etxebizitzetatik oso gertu» dagoela ohartarazi du Hammersteinek, eta «mota hontako azpiegiturentzako ezarrita dagoen zuzentaraua betetzen duen ez dagoela argi» eman du aditzera. Teknologia aski aurreratuak erabiltzen dituen argitu behar dela esan zuen Hammersteinek baita ere.