Edukira joan

Oarsoaldeko Hitza

Oarsoaldea
2008ko abenduak 5, Ostirala

Harpidetu zaitez!

2008-09-02 | 11:37:06

Xabier Portugal Arteaga hil da

Xabier Portugal Arteaga zendu da, gaixotasun baten ondorioz. Bere aldeko hileta elizkizuna bihar da, 19:30ean, Antxoko San Fermin parrokian. Aurretik, Errenteria-Oreretako Zentolen hilerrian erraustuko dute. Portugal oso ezaguna zen, bai bere herriaren alde egin zuen lanagatik baita kultur arloko beste lanengatik ere. Pasaiako alkate izan zen 1987 eta 1995 artean, HBrekin. Aurretik Kultura zinegotzi ere izandakoa zen Udaletxean.Pasaia-Lezo Lizeoko zuzendari gisa ere jardun zuen. Zinema kritikoa ere bazen, eta jazzalea. Aurtengo otsailean "Pasaia 1931-1939. Zanpatuen Oroimina" liburua argitaratu zuen; bertan Pasaiako gerra garaiko gertaerak biltzen zituen. Dolu-eguna eta ikurrinak masta erdian Pasaiako Udalak, herriko alkate izan zen Xabier Portugalen omenez dolu-eguna izendatu du gaurkoa eta ikurrinak masta erdian jarri. Prentsa ohar bidez, Maider Ziganda alkateak "herri honen alde egindako lana" eskertu nahi izan dio Portugali, eta bide batez "bere lagunei eta senideei doluminak" helarazi dizkiei. "Pasaiako alkate eta zinegotzia izateaz gain, gure herriko bizitza soziokulturalaren bultzatzailea handia izan da. Herria sentitzen zuen eta beragatik lan eskerga egin du. Ziru naiz egindakoa ez dela alferrikakoa izango eta berak amesten zuen herriaren alde nire lana jarriko dut. Denon artean lortuko dugu" esan du Zigandak prentsa ohar bidez.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

5

Susana Portugal | 2008-09-05

Eskerrak eman nahi dizuegu jasotako maitasun uholdeagatik. Mila esker

4

Anjel | 2008-09-04

Xabier, Lizeoan zure falta sumatzen hasiak ginen, bainan tarteka elkar ikusten genuen... Atzo, ordea, hutsune handia sumatu genuen. Ez ditugu ahaztuko zure humorea, patxada, lanerako prestutasuna, egitasmo berriei heltzeko ausardia eta, nola ez, baita zure ingurukoak lanean jartzeko zenuen gaitasuna. Eskerrik asko mailakide bezala igarotako urteak. Musu handi bana etxekoei.

3

2008-09-03

Mila esker xabier herri honengatik egin duzun guztiagatik, beti gurekin

2

2008-09-02

1

2008-09-02

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa