Oarsoaldeko Hitza

OIARTZUN

2009-07-03 | 12:40:43

Udal Gobernu Taldea: "Oiartzunen ez da zabortegirik jarriko"

OBri "egindako adierazpen larriak zuzentzeko exijitu" dio Udalak

Udalak OBri "egindako adierazpen larriak zuzentzeko" exijitu dio, "bestela zein bide hartu aztertuko" dutela ere jakinarazi dute. Arau Ordezkatzaileen inguruan "gezur zerrenda luzea" esan duela plataformak adierazi du Udalak, "oiartzuarren artean alarma sortuz". Horien artean, "zabortegia egingo zela" esan zuen OBk, "hori ez da hala. Garbigunea jarriko dugu, bai, Oiartzunen hiri hondakinen kudeaketa iraunkorra egin nahi dugulako". Era berean, lege urraketarik "ez" dela egon ere adierazi dute, "bestela prozesua etenda bailegoke". Gainera, "aurreko legegintzaldian egindako akatsek eta interes pribatuaren interesko proposamenek erabat baldintzatu" dutela Udal Gobernu berriaren jarduna ere adierazi dute.

Ez du erantzunik

Lezo

2009-07-03 | 12:20:13

Irailaren hasieran kirol mahaia egingo dute berriro

Azken Kirol mahaian Kirol Eguna prestatzeko hainbat pauso eman zituzten parte-hartzaileek

Kirol mahaia berriro ere egingo dute irailaren hasieran. Hala eman dute jakitera Udaletik. Azken kirol mahaian kirol elkarteek 2008-2009 denboraldiko balorazioa egin zuten eta nahikoa «onak» izan zirela adierazi dute Udaletik. Horrez gain, Udaleko ordezkariek datorren denboraldiko diru laguntzak eska ditzaten araudia eman zieten elkarteei.
Kirol Eguna Hurrengo kirol mahaia datorren irailaren hasieran izango dela aurreratu dute Udaleko arduradunek. Hein berean, aipatutako kirol mahaia Kirol Eguna prestatzeko erabiliko dutela zehaztu dute

Ez du erantzunik

ERRENTERIA-ORERETA

2009-07-03 | 12:17:45

Udal Araudi Organikoa aldatzeko proposamena ez du onartu Errenteriako Udalbatzak

Ezker abertzaleak egindako proposamenak ez du gainontzeko alderdietako zinegotzien babesik jaso

Udal Araudi Organikoa aldatzeko proposamena ez du onartu gaur Errenteriako Udalbatzak. Ezker abertzaleko zinegotziek egindako proposamenak ez du beste alderdietako zinegotzien babesik jaso. PSE-EEk eta PPk ezezko botoa eman dute, eta Alkarbide, EAJ eta EB-Berdeak abstenitu egin dira. Beraz, Udal Araudi Organikoa aldatzeko proposamena bertan behera gelditu da.

Ez du erantzunik

PASAIA

2009-07-03 | 12:17:16

Mikel Astarloza, «itxaropentsu» Tourra hasi aurretik

Bihar, OARSOALDEKO HITZAren paperezko edizioa orri guztiko elkarrizketa sanpedrotarrarekin

Mikel Astarloza Monakon dago, bihar bertatik hasiko baita Frantziako Tourra. «%100ean» dagoela azaldu du Astarlozak eta bi helburu izango dituela gaineratu du, «etapa bat eta sailkapen orokorra». Bihar, OARSOALDEKO HITZAren paperezko edizioan orri guztiko elkarrizketa irakurtzeko aukera izango da.

Ez du erantzunik

PASAIA

2009-07-03 | 12:14:09

Sanfermin usaina dago Antxoko kaleetan

Ordu gutxi falta dira kaleak zuri-gorriz betetzeko; 20:00etan da txupinazoa

- 20:00etan. Txupinazoa Zumardian, kanpaiak irauliko dituzte eta suziriak. Oholtzan izango dira: Javier Arruabarrena eta Mari Carmen Chans, jubilatuen izenean; kantinerak: Roselina Azores (Basari), Izaskun Sagarzazu (helduak) eta Itxaso Ibarreta eta Iraia Irurtia (haurrak); eta alkate txikiak: Alexis Nuñez eta Amaia Soto, eta sukaldari Nagusi Jabier Mari Esnaola.
- 20:30ean. Preso eta errefuxiatuen aldeko brindisa, Zumardian.
- 20:30ean. Futbito txapelketaren finala, Usozeko eremuan.
- 20:30ean. Dultzaineroen alardea, azokatik abiatuta. Mimos tabernak babestuta.
- 21:30ean. Helduen danborradako afaria, Jubilatuen Etxean.
- 22:30etan. Kontzertuak, gaztetxean: Bronze, Oken Say eta Overload.
- 23:00etan. Kontzertuak, Zumardiko txosnan: R, The Auambas eta Tabu De Ja Bu taldeekin.
- 00:00etan. Helduen danborrada, Pasai Txarangarekin, Luzuriagatik hasita.
- 00:00etan. Sagar 27ren eskutik, diskofesta Azokako oholtzan. Mimos tabernak babestuta.
- 01:00etan. Berbena Monpas taldearekin, Axular plazan.
- 01:00etan. Larraindantza, Oarso kalean. Mimos tabernak babestuta.
- 02:00etan. Zezensuzkoa, Axular plazan.

Ez du erantzunik