Oarsoaldeko Hitza

Urtebeteko epea izan du liburua idazteko Jon Martinek, eta dagoeneo kalean da Ero liburua. Igartza Bekari esker argitaratu du ipuin-bilduma hau.

Eromena ardatz hartuta, 19 ipuin idatzi ditu Martinek, bakoitza erotasun edo obsesio mota bati buruzkoa.

«Literatura hutsa»

Ero «arin irakurtzeko modukoa» dela uste du egileak. «Beldur nintzen jendeari liburua zientifikoegia irudituko ote zitzaion, baina literatura hutsa da».

Elkarren eskutik argitaratu du liburua. Liburuko protagonista gehienak «normal-normalak» direla dio Martinek. «Denak erotzat joz gero, oso irakurle gutxi salbatuko dira». Izan ere, Martinen helburuetako bat «erotasuna kakotx artean jartzea» izan da.

Emaitzarekin, «pozik»

«Gizartearen erretratua» da Ero, «kohesioa behar du sistemak funtzionatzeko, eta hortik ateratzen direnak bereiztu egiten ditu».

Pozik dago emaitzarekin. «Bukatuta irakurri dudanean, liburu polita dela iruditu zait. Idazten aritu naizen bitartean, hala ere, sentsazio hori ez da izan konstantea».