Oarsoaldeko Hitza

Gaur hasiko dira Artikutzan barrena udaberriko bisita gidatuak. Donostiako Udalak antolatu ditu, eta uztailera arte, hilean bi ibilalda izango dira: bata euskaraz eta bestea gazteleraz.

Izan ere, Artikutzako parke naturala ezagutzea mendi buelta baino gehiago izango da. Hala, Artikutzaren inguruko azalpenak emango dituzte adituek.

Lau orduko bisitak

Adituen artean, Asier Hilario geologoa eta Alvaro Aragon historialaria daude. Hilariok Artikutzako geologiari buruzko azalpenak emango ditu, eta Aragonek baso ustiapenaren historia azalduko du.

Bisitak lau ordukoak izango dira: 09:30ean hasiko dira Eskasen, eta 13:30ean bukatuko dira, toki berean.

Bost eta zortzi kilometro artean

Taldeak zortzi eta 30 lagun artekoak dira. Lau ibilaldi izango dira, luzera ezberdinekoak: motzena 5,2 kilometrokoa izango da, eta luzeena 8,3 kilometrokoa.

Hala ere, guztiak egiteko antzeko denbora kalkulatu dute gidariek, azalpen gehiago edo gutxiago jasoz.

Aldez aurreko izen-ematea

Bisita gidatuen informazio gehiago eskura daiteke www.donostia-artikutza.org helbidean.

Halaber, aldez aurretik eman behar da izena ibilaldietara joateko. Astelehenetik ostegunera deitu ahal izango da 690 720 264 telefonora.