Oarsoaldeko Hitza

Amalatzek antolatutako Emakumea zineman zikloaren laugarren aldia hasiko da gaur. Lau film eta bi dokumental ikusteko aukera izango da aurtengoan, gaur hasi eta apirilaren 10era bitartean. Errenteria Hiria Kulturgunean izango dira emanaldi guztiak. Arratsaldeko 18:00etan hasiko dira, eta sarrerrak bi euroko balioko du.

Libanon grabaturiko Caramel filmak zabalduko du gaur zikloa. Nadine Labakik zuzendutako film honek arrakasta handia lortu du nazioartean. Beiruteko ileapaindegi batean elkartzen diren bost emakumeren istorioa kontatzen du filmak. Gizonari, sexuari eta amatasunari buruz hitz egiten dute emakumeek, inongo oztoporik eta aurreiritzirik gabe. Zalantzarik gabe, ikusteko moduko filma da.

Hilaren 27an, berriz, 13 rosas film espainiarra emango dute. Emilio Martinez Lazarok zuzendutako film honek Espainiako gerra zibilean heriotz zigorrera zigortutako emakume batzuen istoria kontatzen du. Iaz estreinatu zen filma Espainiako eta Hego Euskal Herriko zinemetan, eta ikusle aldetik erantzun bikaina izan zuen.

Apirilaren 3an, Britainia Handian egindako Copying Beethoven filma emango dute. Beethovenekin ikasi nahi zuen emakumezko pianista baten bizitzaren inguruko filma da, eta Agnieszka Hollandek zuzendu du.

Apirilaren 7an, Helena Taberna zuzendari nafarraren Extranjeras dokumentala ikus ahal izango da. Dokumental honek auzo txiro batean bizi diren emakumeen bizitzari buruz gogoeta egiteko gonbitea egiten digu.

Apirilaren 10ean, Irina Palm film ezaguna emango dute. Europako hainbat herrialderen artean egindako kooprodukzio honek (Belgika, Alemania, Frantzia eta Britainia Handia) klub erotiko batean lanean hasten den emakume baten istorioa kontatzen du. Sam Garbarski da filmaren zuzendaria.

Apirilaren 22an, azkenik, Mujeres inmigrantes: historia de vida dokumentala ikus ahal izango da. Euskal Herrian bizi diren Boliviako emakumeen bizitza kontatzen du dokumental honek. Amalatzekin batera Garaipen Kolektiboak antolatu du emanaldia, eta sarrera doakoa izango da.

 

'Errenteriako emakumeak' ikuskizuna, bihar

Martxoaren 8ko ekitaldien osagarri gisa, Errenteria Hiria Kulturguneak herriko emakumeei eskainitako ikuskizuna prestatu du biharko. Besteak beste, Amaia Zubiria kantariak, Kukai Dantza Taldeak, Itzatu Antzerki taldeak eta Amalatz Talde Feministak hartuko dute parte ekitaldian. Arratsaldeko 19:30ean hasiko da, eta sarrera doakoa izango da.

Ekitaldiko girotzeko XX. mendeko Errenteria-Oreretako emakume langileen argazkiak izango dira ikusgai kulturgunean (Olibet, Lino, Esmalteria...). Halaber, mundu guztiko emakume langileei aipamena eginez hasiko dute ekitaldia. Munduan zehar lanean ari diren emakumeen irudiak, eta olerkiak uztartuko dituzte.

Ekimenaren antolatzaileek biharko ikuskizunean parte hartzeko deia egin diete herriko emakume langile guztiei .

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.