Edukira joan

Oarsoaldeko Hitza

Oarsoaldea
2009ko urtarrilak 8, Osteguna

Harpidetu zaitez!

Elizalde Institutuko DBH 1. eta 3. mailako ikasleak sexu generoen banaketaren inguruko hausnarketa egiten ari dira egun hauetan, jolas eta teoria bidez.

Denon artean egin beharrak

goiAtz labandibar

Emakume eta gizonen arteko ezberdintasunak, oraindik ere, maila askotan ikusten dira: etxean, gizartean, lantegietan, telebistan... Benetazko berdintasunera heltzeko, hezkuntzak garrantzia berezia du. Geroz eta gazteagoengan lanketa egiten hasiz gero, parekideagoa izango da etorkizuna.

Horregatik, aste honetan ginkana ez-sexista batean parte hartzen ari dira Elizalde Institutuko DBH 1. eta 3. mailako bost ikasgela, guztira, 115 ikasle.

Herenegun hasi ziren lanketa egiten, ikasgeletan. Saio teorikoa izan zuten orduan, Clara Wolfram Udaleko Berdintasun teknikariarekin. Atzo eta gaur, Madalensoro pilotalekura mugitu dira, ginkana egiteko.

Talde bakoitzak ordubete inguruko saioak egin ditu, Bizkaiko Urtxintxa Eskolaren eskutik. «Gaia modu ludikoan lantzeko aukera da», azaldu du Wolframek.

Jolasa eta hausnarketa

Urtxintxak azaltzen duen moduan, «ginkanan gainditu beharreko frogak emakume eta gizonen ohiko rolak dira». Ume-umetatik barneratzen diren sexuaren araberako estereotipoak landuz, «generoaren inguruko hausnarketa» egitera bultzatuko dituzte ikasleak.

Saioen ondoren, hausnarketarako tartea hartuko dute ikasle hauek guztiek, berriro ere ikasgeletan.

Izan ere, Udala izan da egitasmoa bultzatu duena, berdintasuna lantzeko. Aurrerantzean ere, herriko bi ikastetxeekin lanketa egiten jarraitzeko asmoa du Udalak.

«Orain arte ez da landu gaia ikastetxeetan, eta hutsune hori betetzeko asmoa dugu».

Ariketak, hirunaka

Atzo, DBH 3. mailako ikasleek aritu ziren ginkanan jolasean. Hirukotetan banatu zituzten eta bost minutu izan zituen talde bakoitzak froga pasatzeko.

Arropa zintzilikatzen, lanpara bat konpontzen, josten, errazten, sukaldean, arropa lisatzen, haurrak zaintzen... aritu ziren gaztetxoak.

Egia esan, gogotik saiatu ziren. Ez dakigu etxean ere aritzen direlako, edo gelakideei frogak irabazteko egin ote zuten. Baina merezi izan bazuen, ez da gutxi.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa