Oarsoaldeko Hitza

Hirugarren postua lortu dute Girizia sokatira taldeko neskek Euskal Herriko 8x8ko Txapelketako finalean. Larunbat arratsaldean izan zen finala Lesakan.

Giriziaren aurretik sailkatu ziren Gasteizko Badaiotz taldea -txapelduna- eta Lesakako Beti Gazte.

Giriziak ez du bete txapelketaren aurretik jarritako helburua, izan ere, bigarren postuan sailkatzea zen asmoa.

Beti Gazterekin lehian

480 kilotako lehia zen, baina Girizia ez zen iritsi pisu horretara, bederatzi kilo gutxiago baitzituzten, «asko».

Ez zuten tiraldirik irabazi, baina «ez gintuzten hain erraz eraman», azaldu dute.

«Badaiozko neskak gu baino askoz indartsuagoak dira, baina Beti Gazteren eta gure artean ez dago alderik, antzekoak gara mailan», azaldu dute Giriziako kirolariek.

Ikusleen animoak

Zortzikotea Oneski Garbizuk, Eneritz Arbelaitzek, Miren Alkortak, Nerea Aizpuruk, Maider Etxebestek, Eihartze Aramendiak, Aintzane Irastorzak eta Karmele Irastorzak osatu zuten.

Oiartzungo taldeak ikusleek animoak jaso zituen, etxetik kanpora jokatu arren.

Nafarroako Txapelketa

Giriziaren hurrengo asmoa Nafarroako Txapelketan parte hartzea da, federazioak uzten badie, gipuzkoarrak izan arren.

Txapelketa hau laukoteka jokatuko da, apirilaren erdialdetik aurrera.