Edukira joan

Oarsoaldeko Hitza

Oarsoaldea
2009ko urtarrilak 8, Osteguna

Harpidetu zaitez!

Zeru gorria atertuta

Gazteria

Lau egunetan eguraldiak lagundu ez duen arren, balorazio «positiboa» egin dute Gazte Topaguneko antolatzaileek

lorea muguruza

Lau egunetan Euskal Herri osoko eta atzerriko gazteek hartu dituzte herriko kaleak. Eguraldiak batere lagundu ez duen arren, Gazte Topaguneko antolatzaileek jaialdiaren balorazio «positiboa»<\q>egin dute: «Independentzian biziko den herri indartsu bat dago, lau egun hauetan Lezon erakutsi dugun moduan, amesten dugun Euskal Estatu Sozialista errealitate bihurtu dugu. Milaka eta milaka gaztek egin dute bat independentzia eta sozialismoaren proiektu politikoarekin, lau egun hauetan egon diren tailer, hitzaldi, eztabaida eta kontzertuetan parte hartuz, gazte borroken inguruan hausnartuz, eztabaidatuz eta herriz herri martxan dituzten borroken esperientziak konpartituz».

Antolatzaileen esanetan, lau egun hauetan «herri bat irudikatu» dute, «herri bat osatzen duten guneak eraikiz»: eskola, gaztetxea, kultur gunea, herri gunea, musika gunea, akeita gunea eta jantokia.

Kamarada gune arrakastatsua

Hamaika gune ezberdin izan ziren herriko hainbat lekutan sakabanatuta. Herri gunean bertan, esaterako, Kamaradak gunea izan zen. Aipatutako gunean nazioartetik etorritako ordezkaritza izan zen: «Hogeita hamabi nazioarteko erakunde, batzuk txikiak beste batzuk oso handiak, baina denak lehen eskuko lekuko izan dira euskal gazteriak antolatzeko, mobilizatzeko eta borrokarako duen gaitasunaz».

Hein berean, Topaguneko antolatzaileek adierazi dute nazioarteko ordezkaritzen jarrera «oso ona izan» dela, eta haien interesa «oso modu positiboan baloratzen» dutela: «Harriturik eta hunkiturik geratu dira, eta beraien interesa adierazi digute harremanak sakondu eta Euskal Herrian bizi den egoeraren berri maizago eta sakonago izateko».

«Zer irakatsi, zer ikasi»

Eskola gunean ikasle mugimenduaren gaiari heldu zioten, eta ikasle irakasle ekimenaren bidez «edonork duela zer irakatsi eta zer ikasi azpimarratu»<\q>nahi izan dela zehaztu dute antolatzaileek.

Gaztetxe gunean, berriz, gazteek izandako parte-hartzea nabarmendu nahi izan dute Gazte Topaguneko kideek. Parte-hartze «oso txukuna eta aktiboa» izan dela esan dute: «Sistema kapitalistak inposatutako jendarte eredu hau eraldatzeko gazte belaunaldi aktiboa eta borrokarako grinarekin badela agerian geratu da».

«Kultura, jendartea eraldatzeko tresna»

«Euskal kultura izan denaren inguruan hitz egin eta kultur ereduaren inguruan gogoeta egin dugu», zehaztu dute Gazte Topaguneko antolatzaileek kultur guneari dagokion balorazio egiterakoan, eta «kultura, jendartea eraldatzeko tresna bezala irudikatu» dutela esan dute. Horrez gain, Herri Gunean egon zen komunikazio txokoaren bidez Topaguneari buruzko informazioa zabaldu dutela gogorarazi dute.

 

Hemeroteka



«Borroken» gailurra Lezon

EAE-ANVko Haritz Salaberria alkateak asteburu honetan herria hartzen utzi die legez kanpo den Segi erakundeko jarraitzaileei, eta haren aldeko Kataluniako, Galiziako eta Gaztela eta Leongo taldeei (...), «zapaldutako herrien autodeterminazioa» lortzeko arma gisa «borroka» defendatzeko helburuarekin eta presoen bidez ETA goraipatzeko (...).

Erraztasunak besterik ez dituzte izan ETA-Batasunaren azken hautes-marka duen korporazioaren aldetik (...): ehunka denda jartzeko lurrak utziaz, megafonia zerbitzua eskainiaz (...).

Lezoko udaletxearen plazak, Pasaiako eta Oiartzungo herriekin batera «Batasunaren triangelua» osatzen dute, eta ETAzale motxiladunen gailurraren epizentroa izan da. (...) Bertara joandakoen eskutan panfleto bat ibili da asteburuan, «Intsumisioa eta borroka, nola aurre egin estatu frantses eta espainolari», izenburua zuena, non «kale borroka» egiteko aholkuak ematen ziren.

<\d>(...) ETAzaleek Espainiako sinboloak laidotu eta erasotu dituzte, konstituzioarekin batera, «Euskal Herria handiak» independentzia «estatu zapaltzaileei» aurre eginez lortuko dela irudikatzeko (...).

ABC egunkaria. Martxoaren 24a.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa