Edukira joan

Oarsoaldeko Hitza

Oarsoaldea
2008ko abenduak 5, Ostirala

Harpidetu zaitez!

Inaxio Arozenak brontzea lortu du Espainiako lehian

Igeriketa

Gipuzkoako errekor berriak ezarri ditu 1.500 eta 400 metro estilo libretako proban, Espainiako Txapelketan

goiatz labandibar

Inaxio Arozenak Gazteen Mailako Espainiako Txapelketan brontzezko domina eskuratu berri du 1.500 metroko proban. 400 metro estilo librean zazpigarren postua eskuratu du Arozenak.

Gainera, Oarsoaldea Igeriketa Elkarteko igerilari gazteak Gipuzkoako errekorra hobetu du, 17 urteren buruan. Orain, 15:57:07ko denbora da Gipuzkoako errekorra 1.500 metrotan. Hamabost minutu, berrogeita hemeretzi segundo eta zazpi ehuneneko, alegia.'

400 metrotan ere, errekorra

Bitxikeria gisa, aurreko errekorra Beñat Juaristi azpeitiarrak egin zuen, Arozena jaio eta bi egunetara. Gainera, Xixonen (Asturias, Espainia) egin dute biek errekorra.

400 metrotan Gipuzkoako marka hobetu du Arozenak. Hamasei urteren buruan, 4:03:16ko denboran ezarri du onena. Orain arte Iban Mateos tolosarrak zuen errekorra.

Orain, Absolutu Mailan

Espainiako Txapelketan Oarsoaldeako beste bi igerilarik ere hartu dute parte: Xabier Rodriguezek eta Sara Linazasorok.

Asteburu honetan Rodriguez, Linazasoro eta Arozena bera Palman (Balearrak, Herrialde Katalanak) daude Absolutu Mailako Espainiako Txapelketan lehiatzen.

«Laguntza gutxi»

Oarsoaldea Igeriketa Elkarteak kirolari hauek hobetzen jarraitzeko «instituzioetatik laguntzak merezi» dituztela .

Arozenaren aurretik gelditu diren igerilariak 1.500 metrotan teknifikazio eskoletan entrenatzen dutela azaldu du Oarsoaldea Igeriketa Elkarteak, «arerioek Inaxiok baino baldintza eta laguntza hobeak dituzte hobetzen jarraitzeko».

Beste kirolariek «ikasketak entrenamenduekin moldatuak eta diru laguntzak» dituztela azaldu du elkarteak. «Kirolariek merezi dute laguntza euren jarduna ez dadin eten».

 

haur mailakoek 15 domina lortu dituzte



Oarsoaldeako Haur Mailako igerilariek ere Euskal Herriko Txapelketan parte hartu berri dute, Ordizian (Gipuzkoa).

Aurreko asteburuan jokatu zuten txapelketa, eta 15 domina lortu zituzten guztira. Ander Gaztelumendik, Irati Cabornerok eta Amaia Caballerok hiruna eta, Iosu Urrutiak eta Itsaso Oteizak bina. Gainera, neskek erreleboetan ere beste bi domina irabazi zituzten. Laukotea Caballerok, Cabornerok, Oteizak eta Irune Arbidek osatu zuten.

Hauek guztiek, datorren astean Espainiako Txapelketan parte hartuko dute.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa