Edukira joan

Oarsoaldeko Hitza

Oarsoaldea
2008ko abenduak 5, Ostirala

Harpidetu zaitez!

Adin txikikoen zentroa «kaltegarria» den aztertuko dute biharko udalbatzarrean

Udala

Zentroa «herri intereserako kaltegarria» den delkaratzeko espedientea hasi edo ez erabakiko dute

lorea muguruza

Apirileko udalbatzarra bihar egingo dute udaletxeko pleno aretoan, 19:00etatik aurrera. Hogeita bat puntu izango ditu aipatutako udalbatzarrak eta tartean bost mozio daude.

Hogeita bat puntu horietako batean Altamirako Tomas Garbizu kaleko 22 eta 23 lokaletan adin txikikoen harrera zentroa jartzea «herri intereserako kaltegarri» deklaratzea erabakiko dute. 2006ko urriaren 10ean Tokiko Gobernu Batzarrean adin txikikoen harrera zentroa irekitzeko jarduera lizentzia ematea erabaki zuten, baina akordio hori atzera bota eta «egintza kaltegarri» gisa onartu edo ez aztertuko dute.

Hein berean, 107 poligonoko 2-A partzelaren salmentaren inguruko udal akordio batzuk «kaltegarritzat» jotzea ere mahai gainean jarriko dute.

Zinegotzi karguari uko egitea

Biharko udalbatzarrean, era berean, Aroia Goienetxea Egibar EAJko zinegotziaren «karguaren uko egitearen kontu hartzea»<\q>izango da hasieran jorratuko den puntuetako bat.

Iazko maiatzeko hauteskundeetan EAJ alderdiko hiru hautagaiek hartu zuten kargua, Kepa Garbizuk, Jexux Mari Martiarenak eta Aroia Goienetxeak. Orain berriz, kargu hori utziko du.

Horrez gain, pasa den astean Udalak jakitera eman zuen bezala, Gipuzkoak Foru Aldundiak Portuko Plan Berezia eta Konpatibilizazio Plana tramitatzen hasi izanagatik helegitea jarri edo ez erabakiko dute biharko udalbatzarrean.

Hala ere, Udalak Lezoko Portuko Gunea antolatzeko Plan Bereziaren tramitea hasi edo ez eztabaidatuko du.

Serviociok kudeatuko ditu kiroldegia eta igerilekuak

Aipatutako puntu nagusiez gain, Bekoerrota kiroldegia eta Altzate igerilekua orain arte egin duen bezala Serviocio enpresak kudeatu dezan eztabaidatuko dute, baita Tomas Garbizu Musika Eskolako tasak onartzeko diktamena ere.

Mahai gainean izango diren bestelako gaiak nagusiki hirigintzaren arlokoak izango dira. Alde batetik ,Udalak Usukoar Promociones enpresarekin egindako hirigintza hitzarmena izango da eta bestetik, Sektore 1eko bi lursailen Xehetasun Azterlanak behin betikoz onartzea aztertuko dute, besteak beste .

 

Bost mozio desberdin aurkeztu dituzte biharko



Herriko EAJ eta PSE-EE alderdi politikoek mozio bana aurkeztu dituzte martxoaren 7an ETAk Isaias Carrasco Arrasateko zinegotzi ohia hil izana gaitzesteko udalbatzarrean.

Alderdi jeltzalearen idatzian lau puntu zehazten dira eztabaidatzeko: «Edozein herritarren kontra atentatua egiten duenak euskal gizartearen kontrako atentatua egiten du», adierazten dute lehen puntuan. Bigarrenean, berriz, «gizartea anitza dela onartzen dutenak», onartuko direla «joko demokratikoan» zehazten dute. Hirugarrenean, aldiz: «Pertsona eta gizarte erakundeen aurkako edozein atentatu, mehatxu edota gogorkeria jasangaitza da, beraz, martxoaren 7an izandako atentatua gaitzetsi egiten dugu eta bat egin biktimaren familiarekin». Laugarren eta azken puntuan, «ETA soberan» dagoela berretsi nahi izan dute. PSE-EE alderdiak aurkeztutako mozioan ere aurreko lau puntuak jarri ditu mahai gainean azpimarratuz, «bakea lortzeko bideak demokrazia eta bizitzarekiko errespetua» direla.

Horrez gain, PSE-EE alderdiak Euskadiko Udalen Elkarteak martxoaren 8an, Emakumeen Nazioarteko Egunean, argitara emandako dokumentua aurkeztu du udalbatzarrean eztabaida dadin. «Beharrezkoa da Emakume eta Gizonezkoen arteko Tokiko Bizitzaren Berdintasunerako Gutun Europarra sendotzea, baliabide politiko eta praktiko legez eta horregatik, oraindik ere sinatu eta aplikatu ez duten euskal udalak gonbidatu egin nahi ditugu sinatzera eta bertan adierazitako gomendioak praktikan jartzera». Hitz horiekin adierazten du PSE-EEko mozioak berdintasunaren alde egin beharreko pausoetako bat.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

Musika

Neguko kontzertua
OIARTZUN, Udaletxeko areto nagusian - 2008-12-06

Musika

II Iurrita sesions`s
OIARTZUN, IURRITA ETXEA. (Ugaldetxoko futbol zelai ondoan) - 2008-12-06

Zure inguruko ekitaldien
berri eman

Ekitaldi guztiak ikusi »

Irudietan

ERRENTERIA-ORERETA

Landalurraren V. Azoka

Landalurraren V. Azoka

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa