Oarsoaldeko Hitza

Errenteria Hiria Film Laburren XIII. Lehiaketa etzi hasiko da. Hainbat herrialdetako 30 filmek parte hartuko dute aurtengoan, besteak beste, italiarrak, eslovakiarrak, frantziarrak, argentinarrak, kolonbiarrak eta estatubatuarrak. «Inoiz baino film gehiago aurkeztu dira aurtengoan (195), eta aukeraketa egitea ez zaigu batere erraza egin», azpimarratu zuen Jose Angel Rodriguez Hezkuntza eta Gazteria zinegotziak.

Lehiaketako sailak

Errenteria Hiria Film Laburren Lehiaketak hiru sail izango ditu: sail ofiziala, Oarsoaldeko film laburren saila eta bideo sorkuntza. Sail ofizialean 21 filmek parte hartuko dute, eta askotariko generoak ikus ahal izango dira: komedia, drama, suspentsea... Gaiei dagokionez ere aniztasuna izango da nagusi: gizarte kritika, immigrazioa, sexualitatea... «Genero eta gaiei dagokienez, elkarren antzik ez duten filmak aukeratzen saiatu gara», adierazi zuen Antxon Sanchez Errenteria Hiria Kultuguneko zuzendariak.

Oarsoaldeko filmeen sailan, berriz, bederatzi film ikus ahal izango dira: Errenteria-Oreretako zazpi, Lezoko bat eta Pasaiako beste bat. Sail honetako lan gehienek gizarte kritika oinarri dutela azaldu dute film laburren lehiaketako antolatzaileek.

Bideo sorkuntza, berriz, aurtengo berritasunetako bat da. Lehiaketatik kanpo ikus ahal izango dira argumenturik gabeko sormen lan hauek.



Sariak

Errenteria Hiria Film Laburren Lehiaketaren irabazleak 1.000 euro, diploma eta trofeoa irabaziko ditu. Bigarren sariak, berriz, 600 euro diploma eta trofeoa. Ekoizpen onenari ere saria emango diote aurten: 600 euro eta diplona. Ikuslearen sariaren irabazlearentzako 300 euro eta diploma gorde dituzte. Oarsoaldeko film onenak, azkenik, 300 euro, diploma eta trofeoa irabaziko ditu.

Aurtengo lehiaketaren epaimahaia Joseba Etxarte, Juan Miguel Gutierrez, Ritxi Lizartza eta Kike Santiagok osatuko dute.



Zinealdearen aurkezpena

Errenteria Hiria Film Laburren Lehiaketako sariak igande arratsaldeko emanaldian banatuko dituzte, baina sari banaketaren aurretik Zinealdea ikus-entzunezko industria gunearen aurkezpen ofiziala egingo dute. «Orain dela urte batzuk iragarritako proiektua da, eta azkenean badirudi gauzatuko dela. Eskualdean ikus-entzunezko produkzioa finkatzeko oso garrantzitsua izango da, eta ondo ateratzea espero dugu», azaldu zuen Jose Angel Rodriguezek.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.