
Neskek hirugarren bukatu dute liga
Futbola
Oiartzun Kirol Elkarteko zuzendaritzak neskak zoriondu ditu lortzen ari diren emaitza onengatik
goiatz labandibar
Maila Nazionaleko neskek hirugarren postuan bukatu dute denboraldia, asteburuan lortu duten garaipenari esker. Bilboko San Ignacio taldeari aurre hartu diote eta hiru puntu gehiagorekin aurretik bukatu dute.
Euren mailan gutxitan ikusi ohi den moduko jokoa egin zuten, eta motz gelditu zen markagailua.
Partidako gol bakarra Titayk sartu zuen. Arbitroak lodosarren alde penaltia ere adierazi zuen, baina Oiartzungo atezainak, Eider Herrerok, gelditu egin zuen.
Zuzendaritza, pozik
Oiartzun Kirol Elkarteko zuzendaritza oso pozik dago neskak lehen hiru postuetan daudelako.
«Nesken lorpenei ez zaie behar beste garrantzia ematen», adierazi dute, «batez ere kirol prentsan».
Mutilek, puntu bakarra
Lehen Erregionaleko mutilak, aldiz, puntu batekin itzuli ziren, Soraluzeren kontra bana berdinduta.
Eneko Salaberriak sartu zuen Oiartzunen gola, partidaren bukaera aldera. Aurreratu egin ziren markagailuan, baina deskontuan berdindu zuen Soraluzek.
Zelaia oso egoera txarrean eta txikia zen, eta Oiartzunek ezin izan zuen bere ohiko jokoa aurrera eraman.
Oiartzun Kirol Elkarteak esan duenez, aste honetako zozketan 941 zenbakia izan da zorteduna.
Parte hartu | Zure mezua bidali
Parte hartzeko arauak
Ipuin kontalariak
Ipuin kontaketa
OIARTZUN, Manuel Lekuona bibliotekan - 2008-11-20
deialdiak
Inauteriei buruzko bilera
OIARTZUN, Manuel Lekuona Bibliotekan - 2008-11-22
© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta: oarsoaldea@oarsoaldekohitza.info
Internet Ehuntzen S.L.-k garatua
Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea,
Lau Haizetara Euskaldunon Elkartea,
Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.