Edukira joan

Oarsoaldeko Hitza

Oarsoaldea
2008ko azaroak 19, Asteazkena

Harpidetu zaitez!

Zortzi dokumental eta bi mahai-inguru izango dira Lupa Mostraren osagaiak

Zinema

Donostiako Kutxa aretoan eta herriko Mikelazulo Elkartean izango dira emanaldiak, gaurtik aurrera

jon gonzalo

Lupa Dokumentalen Mostra gaur hasiko da Donostian. Mostrako lehen emanaldian Gaviotas blindadas III. dokumentala izango da ikusgai Kutxa aretoan (Arrasate kalea, 12). 19:00etan hasiko da emanaldia, eta sarrera doakoa da.

Etzitik igandera, berriz, Lupa Dokumentalen Mostrako gainontzeko emanaldiak Errenteria-Oreretan ikus ahal izango dira. Mikelazulo Kultur Elkartean, hain zuzen (egitaraua, beheko taulan).

Lupa Dokumentalen Mostra Donostiako Banda Bat Elkarteak eta Mikelazulo Elkarteak antolatu dute elkarlanean. Antolatzaileek azaldu dutenez, «dokumentalen proiekzioak eta dokumental munduko profesionalen topaketak dira ekimenaren osagai nagusiak».

 

egitaraua



Gaur

19:00etan. Donostiako Kutxa aretoan (Arrasate kalea, 12), Gaviotas blindadas III. dokumentalaren emanaldia.

Sinopsia : Mario Roberto Santucho, armadaren kontrako enfrentamendu batean hil ondorengo garaietan, erbesteratzeak eta kartzelaratzeak izan ziren nagusi. Hala ere, militanteek haien formakuntza politiko zein ideologikoa etenik gabe jarraitu zuten.



Etzi

11:00etan. Mikelazulo Kultur Elkartean, mahai-ingurua. Gaia: Dokumentalaren edukiak.

18:30ean. Mikelazulo Kultur Elkartean, Yo pregunto a los presentes dokumentalaren emanaldia.

Sinopsia : Daniel Viglietiren hitzetatik abiatuta eztabaidarako gai zehatza planteatzen du dokumental honek: Norena da lurra gaur egungo Uruguayn?

20:00etan. Mikelazulo Kultur Elkartean, En la Boca del León dokumentalaren emanaldia.Sinopsia : Bost kubatar Estatu Batuetako kartzeletan espetxeratuak daude. Mespretxua eta tortura bermatzen dituzten arauen eta epaiketa irregularren biktima dira. Filma honetan inperialismo iparamerikarrak munduan zehar zabaltzen duen desinformazioa agertzen zaigu, baita preso kubatarrekiko babesa ere.

Larunbata

11:00etan. Mikelazulo Kultur Elkartean, mahai-ingurua. Gaia: Dokumentalaren ekoizpena eta banaketa.

18:00etan. Mikelazulo Kultur Elkartean, Septiembres dokumentalaren emanaldia.

Sinopsia : Urtero Irailean, Soto del Real-eko espetxean, Festival de la Canción delakoa ospatzen dute. Hainbat kartzeletatik iritsitako presoek hartzen dute parte. Jaialdiaren ostean lau gizon eta lau emakumek bere kartzela barruko egunerokotasunean sartzeko aukera eskaintzen digute, haien bizitza nolakoa den ezagutzeko, baita haien amodio erlazioak nolakoak diren ezagutzeko ere.

20:00etan. Mikelazulo Kultur Elkartean, Lucio dokumentalaren emanaldia.

Sinopsia : Anarkista asko izan dira munduan, eta badira oraindik ere. Ugari izan dira anarkismoaren alde lapurretan edo kontrabandoan aritutakoak. Ordea, oso gutxi izan dira Chérekin estrategia eztabaidan jardundakoak, edo Eldridge Cleaver Pantera Beltzen burua lagundu dutenak. Luzio Urtubia, Cascanteko (Nafarroa) anarkista da horietako bat.



Igandea

18:30ean. Mikelazulo Kultur Elkartean, Un tal Eusebi dokumentalaren emanaldia izango da ikusgai.

Sinopsia : Nik ez diot beldurrik heriotzari, iragate bat besterik ez da. Erretiroa eman zidatenean, buruaz beste egin nahi izan nuen, baina ahots indartsu batek esan zidan: "Ez, gizon, ez! Ez zaitez bota. Artista baten arima duzu. Horretan jardun eta ikusiko duzu nola izango zaren zoriontsu! Eta horrela izan da. Hil arte ez dut utziko.

19:00etan. Mikelazulo Kultur Elkartean, Bartolo dokumentalaren emanaldia.

Sinopsia : Bartolo San Fernandon (Cadiz) dagoen taberna berezi batda. Bertan, aspaldi gelditu zen denbora. Bartolo eta bere hondartza, bere auzo eta jendartea desagertzeko arriskuan daude. Kirol portu baten eraikuntza proiektuak hango ekosistema propioa aldatzeko mehatxua suposatzen du.

20:00etan. Mikelazulo Kultur Elkartean, Angor dokumentalaren emanaldia.

Sinopsia : Egile bat munduko kultura ezberdinek hildakoak nola ehorzten dituzten kontatzen duen filma prestatzen ari da. Bat batean bihotz operazio larri batek bere lana kolokan jarri eta dokumentala birplanteatzera behartzen du. Emaitza kontenplaziorako lan zeharo pertsonala da, non gizateriaren gai garrantzitsuenak ageri zaizkigun, ahanztura, elkartasuna, mina, oroimena eta heriotza.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

Musika


OARSOALDEA, - 2008-11-20

Musika

Santa Zeziliako kontzertua
OIARTZUN, Aialde kalea eta Doneztebe plaza - 2008-11-21

Zure inguruko ekitaldien
berri eman

Ekitaldi guztiak ikusi »

Irudietan

ERRENTERIA-ORERETA

Landalurraren V. Azoka

Landalurraren V. Azoka

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa