Oarsoaldeko Hitza

Urtean behin, bada herriko bertso eskolek eta Giriziako bertso sailak elkarlanean antolatu eta bertsozaleek huts egin ezin duten zita: Herriko Bertso Astea.

Aurtengoa 27. aldia izango da eta etzi hasiko da. Asteburu honetan eta hurrengoan izango dira ekimenak.

«Esperimentatzeko gogoa»

Izen handiko bertsolariak herrian bertan gozatzeko aukera izango dugu. «Urtean astebeteko lan eremua dugu eta ahalik eta emaitza onenak izan nahi ditugu, horregatik esperimentazen saiatzen gara», azaldu du Ander Lizarralde bertsolariak.

Hori omen da puntako bertsolariak ekartzeko arrazoia.

Aurtengo egitarauan, poteoa eta saio nagusia azpimarratu dituzte. «Poteoa oso esperimentala izango da, euren artean oso ezaugarri ezberdinetako bertsolariak ariko direlako».

Horrez gain, saio nagusia ere formatu eta gai aldetik, «ezberdina» izango dela jakitera eman dute.

Afarirako txartelak, 12 eurotan

Stocolms Sindromeren kontzertua ere izango da. Julen Zulaika bertsolari zarauztarrak osatutako taldea da, «bertso mundutik sortutako taldea da, nahikoa arrakasta baduena», azaldu du Lizarraldek.

Afarirako txartelak 12 eurotan jarriko dituzte salgai asteburu honetan Amazkar eta Makutxo tabernetan. Kopuru mugatua izango da: 80 lagunentzat.

Liburuxka, itxura berriarekin

Urteroko liburuxka ere argitaratu dute. Herriko bertsolariek azalduta, bertso eskolen osasunaren berri ematen dute bertan.

Itxura berrituarekin dator. «Formatoa nahiko antzekoa da, baina itxura berrituarekin dator. Emaitza oso polita gelditu da gure iritzirako».

Herriko bertso eskolen jardunaz gain, Oroitz Azurmendi Gipuzkoako Bertsozale Elkarteko eragilea elkarrizketatu du Haitzol Olaizek.

Horrez gain, azken urtean herriko bertsolariek irabazitako bertso paper lehiaketetako koplak ere badaude: Ander Lizarralderem, Alaia Martinen eta Karmele Mitxelenaren bertsoak dira hauek.