Oarsoaldeko Hitza

Errenteriako Udalak eta Inspire Digital Culture elkarteak antolatuta, Arte Digitalaren Topaketak izango dira asteburu honetan herrian. Ostiraletik igandera, 48 orduz jarraian, arte digitalaren munduko 50 artista elkartuko dira Jose Luis Caso aretoan.

«Mundu hau gertutik ezagutzen dugun hainbat lagun elkartuko gara. Lehiaketak, erakusketak eta bestelako jarduerak antolatuko ditugu. Arte digitala ezagutaraztea eta herritarrei gerturatzea dira gure helburuak», azpimarratu zuen atzoko aurkezpenean Urko Alberdi antolakuntzako kideak. Topaketetako lehiaketak eta erakusketak ikusteko sarrera doakoa izango da.

Egitarau betea

Hitzaldiak, musika kontzertuak, bideo proiekzioak eta bideo joko lehiaketak izango dira Arte Digitalen Topaketetan.

Urko Alberdiren esanetan, «arte digitalari esker hainbat bideo joko sortu dira, eta baita telebistako marrazki bizidunak ere. Informatika mundua gustuko duten gazteen artean oso jarduera arrakastatsua da, eta horixe eman nahi dugu jakitera».

Matematikaren garrantzia

Arte digitalaren oinarrietako bat matematikak dira. «Bideojokoak, bideoak eta bestelako irudiak eta mugimenduak sortzeko matematikako formulak erabiltzen ditugu. Horregatik, jarduera hau ikastetxeetan zabaltzea oso inportantea litzatekeela uste dugu. Matematika bezalako ikasgaiak eramangarriagoak egingo lituzke», azaldu zuen Alberdik.

Pantaila erraldoia

Arte Digitalaren Topaketaren antolatzaileak 4x3 metroko pantaila erraldoi bat jarriko dute Jose Luis Caso aretoan. Bertan , topaketetan sortzen diren ikus-entzunezko artelan guztiak ikus ahal izango dira, eta ekimenak irauten duen 48 ordutan izango da piztuta.

Arte Digitalaren Topaketei buruzko informazioa gehiago www.inspiredemoscene.org webgunean aurki liteke.

Ekinbi Aisialdi taldeak, Udaleko Informatika departamentuak eta Telefonicak topaketak egin ahal izateko eman duten laguntza eskertu dute antolatzaileek.

 

Jasotako erantzunak:

Mezua idatzi

Parte hartu | Zure mezua bidali

Izena:

e-posta:

Izenburua:

Mezua:

Aurreko kodea kopiatu:

Parte hartzeko arauak

1. 1. - Saiatu zure artikuluak izen-abizenekin sinatzen. Indar handiagoa du.
2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
   * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
   * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
   * Aurreko gauza bera gai orokorrez idatzi behar denean ere.
   * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.