Edukira joan

Oarsoaldeko Hitza

Oarsoaldea
2008ko urriak 7, Asteartea

Harpidetu zaitez!

Promozioan asko du irabazteko eta galtzeko Pasajesek

Antxo

Bihar hasiko du futbol taldeak Preferente Mailara itzultzeko kanporaketa, Altzako Roteta taldearen kontra

urko etxebeste

Preferente Mailara igotzeko kanporaketa, promozio bezala ezagunagoa, hasiko du bihar Pasajesek, Altzako Roteta taldearen kontra. Joan etorriko kanporaketa izango da, eta beraz, bihar, 17:30etik aurrera Don Boscon jokatuko den partidak kanporaketaren nondik norakoak baldintzatuko ditu.

Kanporaketa honetan asko du irabazteko Pasajesek. Baina galtzekoak, irabazien adinakoak dira. Izan ere, helburu bakarra izan dute 2007-2008 sasoian talde antxotarreko agintari, jokalari eta prestatzaileek: mailaz igotzea. Horretarako talde sendoa antolatu zuten, eta Ligan zuzenean igotzea lortu ez badute ere, kanporaketa honekin danboraldiko helburua betetzeko aukera dute antxotarrek.

Lehen Erregionala, bertan dauden taldeekiko errespetu osoarekin, ez baita Pasajesen tokia. Orain dela urte gutxi Hirugarren Mailan lehian izan den taldeak ezustean mailaz behera egin zuen iaz, beste mailetako jaitsiera eta igoera kontuengatik. Beraz, koska bat gora egiteko aukera ezin dute galdu zuri-gorriek, Lehen Erregionalean beste urtebete egotea kaltegarria litzatekeelako taldearentzat, eta Antxoko futbolarentzat.

Talde oso zaila

Baina merezi duena zelaian irabazi behar du Pasajesek. Eta horretarako Roteta taldea baino gehiago direla erakutsi behar dute bihar eta datorren asteko partidan. Ez dute erraza izango, Roteta, merezimendu osoz sailkatu delako promoziorako: talde azkar eta sendoa da, aurrean min handia egiten duen horietakoa.

 

sanpedrotarra gaur igo daiteke



Lehen Erregionalera berriz ere itzultzeko aukera oso ona du gaur Sanpedrotarrak. Izan ere, 16:00etatik aurrera, Anaitasunaren kontra jokatuko dute moreek, Trintxerren. Igoera Faseko liderra da Anaitasuna, eta mailaz igotzea ziurtatua dute. Baina horregatik ez dira lasai etorriko Anaitasunakoak Sanpedrotarraren kontra jokatzera, berez, talde oso-oso lehiakorra delako.

Mailaz igotzeko aukera ezberdinak ditu gaur Sanpedrotarrak, baina beti ere Ostadarrek (sailkapeneko hirugarrena, sanpedrotarrengandik hiru puntura), kale egin beharko luke. Hala, Bixen Zinkunegik entrenatutakoek irabaziko balute, eta Ostadarrek ez balu irabaziko, Lehen Erregionalean legoke Sanpedrotarra. Berdinduz gero, eta Ostadarrek galtzen badu, mailaz gora egingo lukete ere bai moreek. Galduz gero, hurrengo partidan dena izango lukete jokoan bai Sanpedrotarrak zein Ostadarrek, elkarren kontra jokatuko dutelako bi taldeek lasartearren etxean. Hala ere, gaurkoa da lehentasuna duen partida. Horregatik, sanpedrotarrei Trintxerrera agertzeko deialdia egin diete Sanpedrotarra Futbol Taldetik.



 

«Partidari erritmo handia eman nahi diogu, bizia»

joxe aranburu ð - Pasajesen entrenatzailea

Antxo

ðð

Pasajesen entrenatzaileak Rotetaren alde onak, eta txarrak, ondo ezagutzen ditu

u. etxebeste



Promoziotan, eta entrenatzaile bezala, oro har, esperientzia handia du Joxe Aranburuk (Donostia, 1966). Allerru taldeko entrenatzaile zela promozio bat galdu zuen, eta Pasajesekin ez du esperientzia hori errepikatu nahi.

Nola iritsi da Pasajes, jokoz eta gogoz, promoziora?

Ilusio eta gogo handiarekin gaude, eta jokalariei dagokionean ez dugu lesiorik. Beraz, talde osoa ondo iritsi da Rotetaren kontrako promoziora.

Roteta taldearen jokatzeko modua zein den ikertuko zenuen. Zeintzuk dira alde on eta txarrak?

Aurrean oso jokalari onak ditu Rotetak. Biziak dira, eta urtean zehar erakutsi dute partidak erabakitzeko gaitasun handia dutela. Gol asko sartu dituzte. Atzealdean, berriz, ez dira hain indartsuak.

Alde on eta txar horiek kontuan hartuz, beraz, nola prestatu duzue biharko partida?

Beti bezala. Partidari erritmo handia eman nahi diogu, bizia. Jokoaren pisua guk eraman behar dugu.

Kanporaketetako joaneko partida etxean jokatzea desabantaila dela diote...

Nik ez dut hori uste. Lehen Mailan, edo Champions-en beharbada bai, baina maila txikietan ez doa jende asko partidetara, eta ez dago presio askorik. Antzekoa da Don Boscon, edo Rotetaren zelaian jokatzea.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

Ikastaroak

LOREZAINTZAKO PROIEKTUAK DISEINATU, EGIN ETA AURKEZTEA
Aukeratu Herria, ITSASMENDIKOI FRAISORO, ELBARRENA AUZOAz/g 202159 ZIZURKIL - 2008-10-01

Kirola

itsas mendiren x. pala txapelketa
PASAIA, donibaneko kiroldegian - 2008-10-07

Zure inguruko ekitaldien
berri eman

Ekitaldi guztiak ikusi »

Irudietan

OIARTZUN

Xanistebanak 08

Xanistebanak 08

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa