Edukira joan

Oarsoaldeko Hitza

Oarsoaldea
2008ko azaroak 21, Ostirala

Harpidetu zaitez!

Sagardoa, musika eta giro ona jaun eta jabe atzoko XV. Sagardo Jaian

Antxo Haize freskoa bazen ere, jendearen giroa bero mantendu zen; musika eta dantza nagusitu ziren Antxon

eihartze aramendia



Aurreikusita zegoen bezala, 18:00etan Juanjo Bujanda antxotarrak botatako suziriarekin batera hasi zen Antxon XV. Sagardo Eguna. Gure Zumardian giro jatorra nagusitu zen minutu gutxitan.

17 sagardotegitako sagardo botilak prest zeuden hustutzeko eta halaxe izan zen, ordu gutxiren buruan kaxa guztiak botilaz bete ziren; baina botila hutsekin, noski.

Suziriak eztanda egin ondoren, lerro luzea egin zen edalontziak hartzeko. Hiru euroren truke edalontzia hartu eta txanda izan arte itxaron behar, baina itxaronaldiak merezi izan zuen. Jatekoa ere ez zen falta, gustu guztietako jakiak zeuden: ogitartekoak, bizkotxoak, pastelak...

Dantza eta dantza

Alkartasuna Euskal Dantza Taldeak antolatuta, ezin dantzarik falta horrelako egun batean. Ikastaroetan ikasitakoa praktikan jarri zuten; fin aritu ziren, gainera, Larrain dantza eta bestelako euskal dantzak dantzatuz.

Arratsalde osoan zehar ere zuzeneko musikaz gozatu ahal izan zen Gure Zumardian. Trikitilariak, txalapartariak, bertsolariak... aspertzeko aukera gutxi.

XV. Sagardo Jaiarekin bukaera eman zitzaion Alkartasuna Euskal Dantza Taldeak pasa den astean hasi zuen Aste Kulturalari.

 

Jasotako erantzunak:

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

deialdiak

Auzo batzarra
OIARTZUN, Ugaldetxoko eskola zaharrean - 2008-11-21

deialdiak

Auzo batzarra
OIARTZUN, Artaso Elkartean - 2008-11-21

Ekitaldi guztiak ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)

eta Oarsoaldeko Berri Kultur Elkartea: 53 gizarte eragile.

 

Lege Informazioa