Oarsoaldeko Hitza

Trigger Travis talde oreretarrak olatu ona hartu duela dirudi. Aste bakar batean bi sari entzutetsu irabazi ditu. Lehena, asteazkenean, Bilbao Hiria Musika Lehiaketan hirugarren lekuan sailkatu ziren. Larunbatean, berriz, Donostiako Piraten Musika Lehiaketa irabazi zuten.

«Oso pozik gaude», azaldu du Aitor Ibarguren taldekideak, eta ez da gutxiagorako. Bilbon 3.000 euroko dirusaria jaso dute. «Gainera lehen sailkatuetatik nahiko gertu gelditu ginela esan ziguten, eta pena alde hortatik», azaldu du Ibargurenek. Aaron Thomas talde madrildarra izan da irabazlea, eta disko bat grabatzeko aukera emango die horrek. «Guk duela gutxi atera dugu diskoa, eta aurkezpen kontzertuak ematen ari gara. Alde horretatik ez dugu penarik», gaineratu du.

Bestalde, Marga Altolagirre Trigger Traviseko abeslariak kantari onenaren saria jaso zuen.

Larunbatean, berriz, Donostiako Kafe Antzokian Piraten Musika Lehiaketaren finala irabazi zuten Donostiako Yaw taldearen aurretik. Sari gisa 600 euro jaso dituzte.