Edukira joan

Oarsoaldeko Hitza

Oarsoaldea
2008ko azaroak 21, Ostirala

Harpidetu zaitez!

EB-Berdeak: «Ezin dugu Eusko Jaurlaritzaren erabakia partekatu»

Gizartea

Termikaren itxierak eta kanpo kaiaren eraikuntzak «bat egitea kasualitatea ez» dela azpimarratu dute

eihartze aramendia

Xabier Pombok, Pasaiako EB-Berdeak koalizioko zinegotziak, Eusko Jaurlaritzako Ingurumen Sailak termikaren inguruan hartu duen erabakia kontuan hartuta hainbat adierazpen egin ditu. Orain hilabete batzuk EB-Berdeak Pasaiako termika ixtearen inguruko alegazioak aurkeztu zituen eta Eusko Jaurlaritzak atzera bota ditu, hau da, Ingurumen Sailak ingurumen baimena Pasaiako termikari eman dio. «Ezin dugu Eusko Jaurlaritzaren erabaki hau partekatu, kontuan hartuta 40 urte baino gehiagoz termikak emisio kaltegarriak isuri dituela».

EB-Berdeen ustez, «ez da kasualitatea termikaren itxierak eta kanpo kaiaren balizko eraikuntzak bat egitea; izan ere, aipatutako portuan hainbat zentral termikoa egitea aurreikusten da».

Horrez gain, «tristea da ikustea ama lurraren alde hainbeste esfortzu eta inbertsio egin ondoren enpresa multinazionalen alde nola jartzen diren», adierazi dute EB-Berdeak alderditik.

Beste erakundeek ezer ez badute egiten «Pasaiako Udalak termika ixteko gestioak eta ikerketak egin beharko» dituela esan dute.

 

greenpeacek ingurumen sailak hartutako erabakiaren aurkako helegitea jarriko du



Greenpeace talde ekologistak Eusko Jaurlaritzako Ingurumen eta Lurralde Antolamendu Sailak Pasaiako termikaren inguruan hartutako erabakiaren aurka helegitea aurkeztuko du. Raquel Monton, Greenpeaceko Aldaketa Klimatiko eta Energia arduradunak adierazi duenez, «Eusko Jaurlaritza bi urtetan iritzi batetik bestera pasa da, hau da, termikaren itxiera eskatzetik ingurugiro baimena ematera pasa da, nahiz eta alegazio ugari jaso». Montonek aipatu duenez, «ez dakigu Eusko Jaurlaritzak zein interesi erantzuten dion iritzi aldaketari dagokionez, baina edozein kasutan, interes horiek ez dira osasun publikoarenak ezta ingurugiroarenak ere». Horrez gain, «ehuneko ehun berriztagarria den energia elektrikoaren sorkuntza posible» dela adierazi du Montonek, «teknikoki zein ekonomikoki». Bestalde, Gipuzkoa «2050. urterako egingo den lurreko eta haizezko energia produkziorako hoberen gaitua» dagoen penintsulako lurraldea dela adierazi du. Azkenik, «herri borondatearen ordezkariei entzutea» eskatu dio Eusko Jaurlaritzari eta «klima aldaketaren arduradun nagusia den ikatz-industria zaharra babesteari utz» diezaiola.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa