Edukira joan

Oarsoaldeko Hitza

Oarsoaldea
2008ko azaroak 21, Ostirala

Harpidetu zaitez!

Rober Benito eta Pablo Carral gazteak errugabetu dituzte

Politika

Joan den ostegunean epaitu zituzten, 2006ko irailean Gaztañoko EuskoTreneko geltokiari su ematea leporatuta

erredakzioa

Gaztañoko topo geltokian 2006ko irailaren 19an sutea eragitea egotzi zieten Rober Benito eta Pablo Carral gazteak errugabetu ditu Espainiako Auzitegi Nazionalak, haien aurka frogarik ez dagoelako. Joan den ostegunean epaitu zituzten bi gazteak Madrilen, eta fiskalak hiru urteko kartzela zigorra eskatu zuen bientzat.

Espainiako Auzitegi Nazionalak atzo kaleratu zuen auziari buruzko epaia, esan bezala, bi gazteak errugabetuz. Epaiaren arabera, bi epaituek ez dute «inongo loturarik» topo geltokiaren sutearekin, eta sutea gertatu zenean Bukagaitz Elkarteko bilera batean zeudela frogatuta gelditu da.

Orain arte, bi gazteek hamabost egunero epaitegitik pasatu behar izan dute sinatzera. Aurrerantzean, ordea, ez dute horrelakorik egin beharko.



Epaiketako testigantzak

Pablo Carral eta Rober Benito lehengo astean epaitu zituzten Madrilen, Espainiako Auzitegi Nazionalean. Akusazioaren aldetik zenbait ertzainek deklaratu zuten. Ertzainen arabera, Carralen eta Benitoren aurkako proba nagusia haien janzkera izan zen. Antza, erasogileek arropa iluna zeramatela ikusi zuen EuskoTreneko langile batek, eta deklarazio horretan oinarritu zituzten haien baieztapenak ertzainek.

Akusazioaren aldetik, berriz, hainbat lekukok deklaratu zuten. Lekuko hauen arabera, bi akusatuak Bukagaitz Elkartean zeuden erasoa gertatu zen unean, minutu batzuk lehenago auzotarren bilera batean parte hartu baitzuten.

Gertaeraren nondik norakoa

Rober Benito eta Pablo Carral gazteak 2006ko irailaren 19an atxilotu zituzten, Gaztañoko EuskoTreneko geltokiari su ematea egotzita. Izan ere, egun hartako 22:15ak aldera, ezezagun batzuek su eman zioten aipaturiko geltokiari. Handik ia 30 minutura, ertzainek Benito eta Carral atxilotu zituzten geltokiaren inguruetan, erasoan parte hartu izana leporatuta. Bi gazteek irailaren 22an deklaratu zuten Baltasar Garzon epailearen aurrean. Epaileak bermerik gabe aske utzi zituen.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa