
Cazorla, zazpigarren Europako Txapelketan
Lezo
Lezoar gazteak denboraldi bikaina egin duen arren, zapore gazi-gozoarekin itzuli da Sarajevoko esperientziatik
iker vidal
Sarajevon (Bosnia Herzegovina) izan den Europako Judo txapelketan, Andoni Cazorlak, zazpigarren postuan sailkatzea lortu du 73 kilotik gorakoen Mailan. Judoka lezoarrak Europako txapelarekin itzultzea zuen helburu, baina hori lortzeko bidean, lehiakide gogorrak aurkitu ditu.
Lehenengo borrokaldian, Banovac kroaziarra izan zuen aurkari. Lasaitasun handiarekin menperatu zuen hau. Hurrengo borrokaldian, Kwiatkowski poloniarraren aurka aritu zen Cazorla. Hau ere arazo handiegirik gabe garaitzea lortu zuen.
Final laurdenetan, kale
Finalaurrekoetara eraman zezakeen borrokaldian, Ruadze georgiarraren aurka aritu zen lezoarra. Lehia gogorra izan zen. Andoni izan zen borrokaldiaren pisua eraman zuena, baina azkenean amore eman behar izan zuen. Porrot honek txapelketa irabazteko aukerak kendu zizkion Lezoko kirolariari Bosnia Herzegovinan.
Brontzearen bila
Brontzezko domina lortzeko bidean, Oven holandarra utzi zuen kanpoan. Muensterberg alemaniarrarekin, aldiz, borrokaldi bikain bat egin arren, kanporatuta geratu zen. Europako txapelketan zazpigarren postua lortu duen arren, sasoi bikaina egin du.
Parte hartu | Zure mezua bidali
Parte hartzeko arauak
deialdiak
Intxixu eta sorginen festaren bilera
OIARTZUN, Manuel Lekuona bibliotekan - 2009-01-10
deialdiak
Kale Ekintza
OIARTZUN, Aldeguna Elkartean - 2009-01-10
© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta: oarsoaldea@oarsoaldekohitza.info
Internet Ehuntzen S.L.-k garatua
Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea,
Lau Haizetara Euskaldunon Elkartea,
Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.