Edukira joan

Oarsoaldeko Hitza

Oarsoaldea
2009ko urtarrilak 9, Ostirala

Harpidetu zaitez!

Kofradiaren XIV. Ikurrina jokatuko da etzi Pasaiako badian

Arrauna

Hiru txandatan jokatuko da; txanda bakoitzean lau traineru aterako dira, minutu bateko aldearekin

nagore vega

Kofradiaren XIV. Ikurrina jokatuko da etzi arratsaldean Pasaiako badian, Sanpedrotarra Arraun Elkarteak eta Ecolmarek antolatuta, eta Kepa Deun Arrantzaleen Kofradiaren, Pasaiako Portuko Agintaritzaren, Udalaren eta Itesaren laguntzarekin. Traineuren Kluben Elkarteko (TKE) talde guztiek parte hartuko dute estropadan eta San Miguel Ligarako puntuak lortu ahal izango dituzte.

Proba atzo aurkeztu zuten Maider Ziganda Pasaiako alkateak, Jaime Tejedor Kofradiako presidenteak, Javier Egurrola Sanpedrotarra Arraun Elkarteko presidenteak eta Fernando Dueñas Portuko Agintaritzako ordezkariak. Proba berezia izango da aurtengoa. San Pedro liderra da Ligan, eta, gainera, Sanpedrotarra Arraun Elkartea sortu zuteneko 50. urteurrena ospatzen ari da.

Lau traineruko hiru txanda

Etzi 18:00etan izango da proba. Ontziratzea Hospitalilloko Kaiaren pantalanean izango da. Ibilbidea 5.556 metrokoa izango da, lau luze eta hiru ziabogakoa, eta erlojupekoa. Buia guztiak ababorren utzi beharko dituzte traineruek.

Estropada hiru txandatan jokatuko da, eta txanda bakoitzean lau traineru lehiatuko dira. Txandak antolatzeko San Miguel Ligako sailkapena hartu dute kontuan. Azkenak lehenengo aterako dira; alegia, lehen txandan Hondarribia, Tiran, Laredo eta Arkote arituko dira. Traineru batetik bestera minutu bateko tartea utziko dute.

Txanda batetik bestera, berriz, bost minutuko tartea izango da. Hala, Pedreña, Zumaia, Cabo eta Zarautz izango dira bigarren txandan, eta Orio, Urdaibai, Castro eta San Pedro hirugarrenean.

Laguntza eske

Atzoko aurkezpenean herriko traineruek Udalaren laguntza izaten jarraituko dutela nabarmendu zuen Maider Zigandak. Javier Egurrola presidenteak laguntza gehiago galdegin zion Portuko Agintaritzari, ordea. Portuko Agintaritzaren izenean, Dueñasek eskea jaso eta dagokionari helaraziko diola hitz eman zuen.

 

sariak



Lehenengoa. 3.212 euro eta Kofradiaren XIV. Ikurrina.

Bigarrena. 2.860 euro.

Hirugarrena. 2.508 euro.

Laugarrena. 2.156 euro.

Bosgarrena. 1.980 euro.

Seigarrena. 1.804 euro.

Zazpigarrena. 1.628 euro.

Zortzigarrena. 1.452 euro.

Bederatzigarrena. 1.100 euro.

Hamargarrena. 1.100 euro.

Hamaikagarrena. 1.100 euro.

Hamabigarrena. 1.100 euro.



 

«Etzi irabazten ahaleginduko gara»

javier egurrola ð- Sanpedrotarra Arraun Elkarteko presidentea

Arrauna

Etzi irabazi, eta Ligan hiru onenen artean gelditzeko lanean ari direla dio Egurrolak

n .vega



Javier Egurrola (San Pedro, 1945) Sanpedrotarra Arraun Elkarteko presidentea da. Libia-k orain arte egindako lanaren balorazioa egin du, eta datozen probetarako dituzten helburuak azaldu ditu.

Aurtengoa estropada berezia izango da?

Bai, oso berezia. Liderrak izateaz gain, elkartearen 50. urteurrena da. Gainera, liderrak izanik azkenak irtengo gara eta hori ohore bat da guretzat. Motibazioa handiagoa da, eta ea zortea dugun.

Zein da zuen helburua?

Liga hiru onenen artean bukatzea da gure xedea. Irabazi ahal badugu hobeto, baina oso zaila dela uste dugu.

Eta larunbaterako zein helburu duzue?

Larunbatean irabazten ahaleginduko gara.

Nola ikusten duzu estropada?

Oso gogorra. Oso indartsuak diren traineruak daude: Urdaibai, Orio, Castro, Hondarribia, Zarautz... Denak sei segundoren bueltan gabiltza eta edonork irabaz dezake.

Zer iruditzen zaizu zuen txanda?

Itzela. Bi estropada generamatzan Urdaibairen aurka lehiatu gabe (gelditzen zaigun bakarra da). Momentuz denei irabazi diegun traineru bakarra gara, Astillero ere garaitu dugu. Oso pozik gaude.

Herrian nabaritzen da giroa?

Asko nabaritzen da. Ez bakarrik pasa den igandean Galizian jokatu genuen estropadan. Aurretik Zaragozan jokatutakoa asko bizitu zuten herritarrek. Zaragozatik bigarren postuarekin etorri ginen eta jendea arraunlarien zain zegoen, jaiak ziren arren. Aurreskua dantzatu ziguten eta etxeetan ikurrinak zeuden. Jendea traineruarekin dago.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

deialdiak

Intxixu eta sorginen festaren bilera
OIARTZUN, Manuel Lekuona bibliotekan - 2009-01-10

deialdiak

Kale Ekintza
OIARTZUN, Aldeguna Elkartean - 2009-01-10

Zure inguruko ekitaldien
berri eman

Ekitaldi guztiak ikusi »

Irudietan

ERRENTERIA-ORERETA

Landare Elkartearen 25. urteurrena

Landare Elkartearen 25. urteurrena

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa