Edukira joan

Oarsoaldeko Hitza

Oarsoaldea
2009ko urtarrilak 9, Ostirala

Harpidetu zaitez!

IX. Txantxangorri Saria jokatuko da etzidamu

Bertsolaritza

Herriko zortzi bertsolari ariko dira lehian Landare Elkarteko bertso afarian; txartelak salgai daude dagoeneko

Alain maya

Herriko bertsolarien arteko IX. Txantxangorri Saria jokatuko da etzidamu, Landare Elkartean, 21:00etatik aurrera, Xenpelar Bertso Eskolak, Lau Haizetara Euskaldunon Elkarteak eta Landare Elkarteak antolatuta.

Aurretik baina, finalaurrekoa jokatuko da Orereta Ikastolaren Esmalteriako egoitzan. Bertan Arkaitz Oiartzabal Xamoa, Haritz Casabal, Gorka Etxeberria eta Asier Etxeberria ariko dira. Bi onenak finalerako sailkatuko dira, non Iker Goñi, Aitor Albistur, Josu Oiartzabal eta Jon Ansa izango dituzten zain (aurreko urtetan txapeldun izandakoak).

Aurten bertso afari moduan jokatuko da Txantxangorri Sariko finala. Afarirako txartelak Arkaitza eta Landare tabernetan dauden salgai 15 euroko prezioan.

Finalean egin beharreko lana honakoa da: hasierako agurra eta zortziko handian; zortziko txikian; hamarreko txikian eta kartzelako gaian hiruna bertso. Puntuazio altuena lortzen duten bi bertsolariek buruz burukoa jokatuko dute. Bertan, bederatziko txikian hitza emanda bertso bat eta sei puntuko motzean hiruna bertso kantatu beharko dituzte. Bukatzeko, finalistek agur bana kantatuko dute.

Gai jartzaile lanetan Kepa Isasi arituko da, eta epaileak Bakarne Urreaga, Patxi Petrirena eta Iñigo Legorburu izango dira. Bestalde, publikoak txapelketako bertso onenaren saria bozkatzeko aukera izango du.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa