Edukira joan

Oarsoaldeko Hitza

Oarsoaldea
2009ko urtarrilak 9, Ostirala

Harpidetu zaitez!

eztanda eta festara

Madalenak

19:00etan puntu-puntuan suziriak eztanda egin ondoren, Zentenario pasodoblearekin iritsi da eromena Errenteria-Oreretara; madalenak hemen dira jada, bost eguneko etengabeko festa

alain maya / nahiara gago

Ohiko kantuak. Ohiko xanpain botilen hustutzea. Ohiko omenduen urduritasuna eta emozioa. Ohiko suziria 19:00etan. Ohiko pasodoblea Errenteriako Musika Kultur Elkartekoen eskutik. Ohiko zirrara. Erraldoi eta buruhandien, txistularien eta musika bandaren ohiko ibilaldia herriko kaleetan zehar. Txupinazoa ohikotasunean bizi da, baina ohikotasun horrek badu magia. Eztanda batek herri osoa dantzan eta hankaz gora jartzen duen magia.

Atzoko txupinazoak ez zuen ohikotasuna eta magia galdu, eta eguraldia lagun 18:15ean lehen koadrilak biltzen hasi ziren Herriko Enparantzan. Udaltzainek ingurua zaintzen zuten jendeak arrautzak botatzea ekiditeko. Ordurako inguruko supermerkatuen apalak hustu zituzten. Eta makina bat gazte ikusten zen herriko kaleetan xanpainez eta gaseosaz betetako poltsekin.

Beste batzuk, ordea, kanpoaldeaz gain barruak ere berotu zituzten poteoan. 18:00etan Agirre Lehendakariaren plazatik abiatuta kalejira koloretsua izan zen. Maialen maskota sorbalda gainean hartu eta batera eta bestera ibili ziren berarekin. Helduagoek goiz hartu zuten elizako eskaileretan lekua.

Txupineroak, hunkituak

Reyes Carrere eta Maria Jesus Fonbellida Tatus izan dira aurten jaiak piztu dituztenak. 19:00ak jotzeko minutu batzuk falta zirela pleno aretoan zeuden, momentu handiaren zain. «Herritar batentzako dagoen gauzarik handienetarikoa da hau», zioten biek. Noizbehinka leihora hurbildu eta kanpoko iskanbila ikusita are eta urduriago jartzen ziren.

Heldu ziren 19:00ak, eta eztandak eromena sortu zuen. Zentenarioa-ren doinupean jauzika hasi ziren Herriko Enparantza bete zuten herritarrak. Aldarrikapenerako tartea ere izan zen; bai plazan, baita udaletxean ere: presoak, Sabecoko langileen egoera...

Istiluak izan ziren txupinazoa bota aurretik

18:50ak inguruan, txupinazoa izan aurretik, istiluak izan ziren Herriko Enparantzan udaltzainen eta herritarren artean. Izan ere, zenbait pertsona udaletxeko balkoian herrian azken hilabeteetan izan diren gazteen atxiloketen kontrako pankarta jarri nahi zuten. Udaltzaingoak pankarta jarri nahi zutenei aurre egin zien, pankarta jartzea eragotziz.

Hala ere, udaletxeko balkoian zeudenei pankarta gora bota zieten, eta azkenean aldarrikapen pankarta jartzea lortu zuten. Herritarrek, udaltzainek izandako jarreraren kontra protesta egin zuten, hauen kontrako mezuekin.

 

jaiei hasiera emateko txistulari kontzertua



Herenegun, jaien aurreraki gisa, Madalen Jaien aurreko III. Txistularien Kontzertua izan zen Gamon Zumardian. Jendetza bildu zen, eta gozatu ederra hartu zuten kontzertuarekin. Parte-hartze handia izan zuten gainera ikusleek, Xabier Vesga zuzendariak behin eta berriz egiten baitzien kantuan aritzeko deia.

Aitor Gabilondo izan zen kontzertuaren aurkezlea, eta irribarren bat baino gehiago atera zien ikusleei bere txiste eta burutazio aldrebesekin. Ereintza Dantza Taldeko dantzariak, Eneko Gil eta Nerea Vesga Euskal Herriko Dantza Solte txapeldunak edo koroa izan zituzten lagun txistulariek.

Kontzertuak behetik gorako joera izan zuen. Pieza lasaiekin eta zainduekin hasi zen emanaldia, eta bukaeran dantzan jarri zuten Gamon Zumardian bildu zen jendetza. Agur Zuberoa eta madalenetan goizeko 06:00etako jotzen duten Diana dantzatu zituzten herritarrek; baita Xanti eta Maialen erraldoiek ere. Jaien aurrekari ederra izan zen kontzertua. Hortik aurrera, musika eta jai giroak ez du etenik izango.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

ekitaldiak

2009ko diru laguntzak eskatzeko deialdia
ERRENTERIA-ORERETA, Kapitain Etxean - 2009-01-02

deialdiak

Intxixu eta sorginen festaren bilera
OIARTZUN, Manuel Lekuona bibliotekan - 2009-01-10

Zure inguruko ekitaldien
berri eman

Ekitaldi guztiak ikusi »

Irudietan

OARSOALDEA

Santomasak eskualdean 08

Santomasak eskualdean 08

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa