Edukira joan

Oarsoaldeko Hitza

Oarsoaldea
2009ko urtarrilak 9, Ostirala

Harpidetu zaitez!

Santioak hasi dituzte Donibanen

Jaiak

Herriko helduenek lehertarazi zuten txupina 20:00etan; aurretik haurren txanda izan zen, puzgarri eta erraldoi eta buruhandiekin

nagore vega

Urtero legez, eta udan bigarren aldiz, jaiak hasi dituzte Donibanen. Oraingo honetan, sanjoanen atzetik, Santioak iritsi dira barrutira. Atzoko 20:00etan egin zuen eztanda txupinak. 88 urteko Luisita Oterok eta 86ko Antonio Franquetek lehertarazi zuten, helduenen izenean, alegia, Donibaneko aiton-amonen izenean. Zazpi egunez festa izango da nagusi Donibaneko txoko guztietan.

Ofizialki, jaiak 20:00etan hasi baziren ere, ordu batzuk lehenago etxeko txikienak giroaz gozatzen hasi ziren. Meipiko parkean puzgarriak izan ziren haur eta gaztetxoentzat. Gogoz gozatu zuten.

19:00etan ere haur eta gazteen txanda izan zen. Erraldoiak eta buruhandiak ibili ziren Meipitik plazara. Bai bidean eta baita plazan ere ederki astindu zituzten ihes egiten saiatu zirenen ipurdiak. Musikaz lagundurik ibili ziren erraldoiak eta buruhandiak; txistularien laguntza izan zuten.

Txupinaren ostean, Erlaxi taldearekin dantzaldia iragarrita zegoen jaietako programan, goizeko ordu txikiak arte. Zortea izan zuten Donibanen, eguraldiak ateri eutsi baitzuen eta ez zuen jaietako lehen eguna zapuztu.

Jai Batzordearen mezua

Jai Batzordeak, nola ez, ahalik eta jairik onenak pasatzea desio die Donibaneko bizilagunei, eta kaiak euskaraz bizitzera animatu ditu. Herritik urrun dauden arrantzaleak; gaixoak; langileak; preso eta iheslari politikoak, eta atzerrian daudenak gogoan izan dituzte.

 

gaurko egitaraua



07:30. Diana herrian zehar.

08:00. Sokamuturra Donibane kalean zehar eta Santiago plazan.

10:00. Gaztelutxoko XXII. Txirringa Igoera, Vicente Carballaresen omenez.

10:00. Usakume tiraketa Gaztelutxoko zelaian, Bonifacio Mateoren omenez.

11:00. Iberdrola toka txapelketa herrikoia, hiru mailatan banatua.

14:30. Paella herrikoia plazan. Txartelak Errekatxu, Patxiku eta Pari Berrin salgai, sei eurotan.

17:30. Mus txapelketa herrikoia Bonantzan.

18:30. Bikote gazteen XIX. Dantza Solte Txapelketa, Itsas Mendi Txistu Taldeak antolatuta.

20:00. Herri kirol jaialdia plazan. Aizkolariak: Migerza-Bihurri, Olasagasti-Flores. Egin beharreko lanak: Zutikako enborra moztu, etzandako hamar enbor moztu, trontzan hamar korte egin. Harrijasotzaileak: Goenatxo-Landarbide. Egin beharreko lanak: hiru harri jaso. Bihurrik motozerrarekin aulki bat egingo du.

21:30. Bertso-afaria Bonantzan.

22:00-02:00. Dantzaldia Santiago plazan, Unsain anaiekin.

00:00. Break dance erakustaldia, txosnetan.

 

zabaldu.com
bildu.net
digg.com
del.icio.us

Jasotako erantzunak:

Mezua idatzi

Parte hartu | Zure mezua bidali

:

:

:

:

Spambotak ekiditeko irudia
:

Parte hartzeko arauak

  1. 1. - Saiatu zure artikuluak izen-abizenekin sinatzen. Indar handiagoa du.
  2. 2. - Iritzia anonimoki eman nahi baduzu, baduzu horretarako aukera ere. Kontuan hartu ondokoak:
    * Ez pertsonala. Pertsona bati buruz ari garenean zehazki, kritikatzeko edo famatzeko, anonimoek ez dute balio. Eta, kasu honetan, pertsona fisikoez ari gara, ez entitate juridikoez.
    * Entitate juridikoez anonimoki aritu daiteke, baina pertsonalizatu gabe, eta talante eta errespetu onean; iraindu gabe, doako akusaziorik egin gabe... errespetuan.
    * Aurreko gauza bera gai orokorrez idatzi behar denean ere.
    * Norbaitek pertsonalki sinatutako iritzi bati, pertsonalki erantzutea dagokio, eta ez anonimoki.
  3. 3. - Dena arautzea ezinezkoa da, batez ere hau bezalako webgune batean. Mesedez, denon zentzu ona eta kolaborazioa eskatzen ditugu. Apenas izango den logika bezalako arautzaile zuzenik kasu hauetan.

Agenda

deialdiak

Intxixu eta sorginen festaren bilera
OIARTZUN, Manuel Lekuona bibliotekan - 2009-01-10

deialdiak

Kale Ekintza
OIARTZUN, Aldeguna Elkartean - 2009-01-10

Zure inguruko ekitaldien
berri eman

Ekitaldi guztiak ikusi »

Irudietan

OIARTZUN

I. Aiako Harria Maratoia

I. Aiako Harria Maratoia

Gehiago ikusi »

© Oiartzualdeko Hedabideak S.L. - Santa Klara 22, 20100 - ERRENTERIA-ORERETA - Tel.: 943 340 330
Faxa: 943 341 102 - E-posta:

Internet Ehuntzen S.L.-k garatua

Oiartzualdeko Hedabideak S.L.ko kideak: Orratx! Kultur Elkartea, Abaraska Euskara Elkartea, Lau Haizetara Euskaldunon Elkartea, Arnasa Euskara Elkartea, Hitz Hots elkartea.
Bertako Hedabideak (EKT)
eta Oarsoaldeko Berri Kultur Elkartea: 53 gizarte eragile.

 

Lege Informazioa